La Sozietà​

La Sozietà de scienza politica de Südtirol | politika, che ne n’ie nia lieda a n partit, ie unida metuda su n juebia ai 25 de setëmber 2008 tl Conference-Center dl Hotel Sheraton a Bulsan, cun l fin de

• • • ti dé na usc ala scienza politica, ai politologs y ai scienziac dla politica tl publich;
    • fé y sustenì tuedes de scienza politica te Südtirol (p.ej. relazions danter Südtirol y Europa, Südtirol tl cuntest naziunel y nternaziunel);
    • publiché resultac de tuedes tl ciamp dla scienza politica cun referimënt a Südtirol;
    • sustenì l stude dla scienza politica;

Chisc fins uelen arjonjer cun la publicazion dl anuar de politica, chësta plata web, cunvënies y seminares, ma nce cun cuntac cun d’autra urganisazions tl raion naziunel y oradecà, che à l medem fin.

Nota

Sun www.politika.bz.it vel l prinzip dla rujeneda dla oma o dla puscibltà de se pudëi crì ora la rujeneda. Perchël ne vëniel nia de duc i tesć fat na traduzion tla autra rujenedes ufizieles dla provinzia. La strutura dla plata internet y l menù ie te na verscion taliana y tudëscia, purempò possel nce te chësta strutura unì dant cuntribuc zënza traduzion, scric mé per tudësch, talian, ladin o nglëisc.